Saki Bugün Meyhanede

Sâkî bugün meyhânede ebrû-kemân dilberleri Mey-keş edüp demhânede zî-zevk olup gülberleri Sâzendelerin sâzının sûzişli sözleri güzel Nağme-şinâs mestânenin pervâz eder şehperleri **** Mey-nûş olan bir nev-civân meyhâneye olur revân Bu mey ile mîr-i zemân feth eylemiş Hayber’leri Mey bahrine daldırsalar perdeleri kaldırsalar Peymâneler doldursalar şâhlar verirler serleri **** Mey dolarsa câm-ı hüdâ nây-ı aref verir sadâ Cânân eder ol dem nidâ görünür dîdâr dürleri Ummân-ı himmet meydedir feyz-i muhabbet neydedir Hayât-ı bâkî Hay’dedir Hayder eder Kanber’leri **** Şem-‘i muhabbet yağını bul yak gönül çerâğını Sor sâkînin durağını berâber al rehberleri Lutfi pîr-i mugānı bul meyhânede mu‘tekif ol İlm-i aref sır rıy la dol mâmûr eyle minberleri Alvarlı Efe Muhammed Lütfi Hazretleri