Sen Yüzünden Alemi Ruşen Kılıp

Sen yüzünden âlemi rûşen kılıp saldın nikâb Yazıya salsın bu günden böyle nûrun âf-tâb Sen ne nûr-i pâksin ey mazhar-i sun’i İlâh Kim alır şem’-i ruhundan âf-tâb ü mâh tâb Aks-i rûyun suya salmış sâye zülfün toprağa Anber etmiş toprağın adın suyun ismin gül-âb Yelde bulmuş bûy-i zülfün suda aks-i ârızın Kim yeli bağrına basıp suya göz dikmiş habâb Lâ’l-gûn meydir elinde sâğar-i simin ile Yâ nigîn-i lâ’ldir reşk-i lebinden oldu âb Kilk-i kudret levh-i sînemde seni kılmış rakam Eyleyip mahbûblar mecmû’asından intihâb Ey Fuzûlî’her amel kılsan hatâdır gayr-i aşk Bu durur ben bildiğim Vallahu a’lem bi’s-savâb Fuzuli