Söyletmek midir

Kasdın ey gamze dil-i âgâhı söyletmek midir Yâ ki râz-ı yâre-i cângâhı söyletmek midir Saldı vechin âyeti i’câz-ı dehre zemzeme Kendine kasdın Kelâmullah’ı söyletmek midir Gün yüzün vasfında maksûd-ı beyân-ı mu’cizin Şakk idüp sadrın derûn-ı mâhı söyletmek midir Sînem âteş-gâh-ı hicrân eyledin bu ‘âleme Dilde pinhân eylediğim âhı söyletmek midir Öldürür mü çeşm-i cellâdın bu Şems-i leb-be-mühr Yoksa kim dil-hâhını dil-hâhı söyletmek midir