Uruc Eyle Kadimi Aşiyana

Güzer eyle fenâdan bul bekâyı Yürü bülbül kadîm-i âşiyâna Bekâ ehli olan gördü likâyı ‘Urûc eyle kadîm-i âşiyâna Görüp her zerrede nûr-ı ilâhı Vücûd milkinde bul şems ile mâhı İrişdir Hazret-i Mevlâ’ya râhı ‘Urûc eyle kadîm-i âşiyâna Kıluben ceybini gül gibi sad-çâk Fenâ râhında eyle vârını hâk Zuhûr idince nûr-ı sırr-ı levlâk Güzer eyle ķadîm-i âşiyâna İdüp nevrûz ile ‘uşşâķa âgâz Nevân ile bizi eyle ser-efrâz Olup mürgân-ı ķudsîlerle dem-sâz Yürü bülbül kadîm-i âşiyâna Özünde bulagör bir verd-i bî-hâr Yiter itdin gül içün nâle vü z3ar Visâle kıl Fenâyî’yi sezâvâr ‘Urûc eyle kadîm-i âşiyâna