Ya İlahi Ol Muhammed Hakkıçün

Yâ ilâhî ol Muhammed hakkıçün Ol şefâ’at kânı Ahmed hakkıçün Sidre vü Arş-ı muallâ hakkıçün Ol sülûk u seyr-i a’lâ hakkıçün Ol gece söyleşilen söz hakkıçün Ol gece Hakk’ı gören göz hakkıçün Sırr-ı Furkân nûr-i a’zam hakkıçün Kuds ü Ka’be Merve Zemzem hakkıçün Gözü yaşı hakkıçün âşıkların Bağrı başı hakkıçün sâdıkların Aşk odundan ciğeri büryân içün Derd ile kan ağlayan giryân içün Sıdk ile yolunda kâim kul içün Hazretine doğru varan yol içün Şol zaman kim müddet-i ömr ü hayât Âhir ola ire hengâm-ı memât Biz günâhkâr âsî mücrim kulları Yarlığayub kıl günâhlardan berî Sana lâyık kullar ile hem dem et Ehl-i derdin sohbetine mahrem et Hem Süleymân fakîre rahmet et Yoldaşın îmân makâmın cennet et Afv edüp isyânımız kıl rahmeti Ol habîbin yüzü suyu hürmeti Yâ ilâhi kılma bizi dâllîn Bu duâya cümle deyin âmîn