Ya Rab Hemişe Lutfunu Et

Yâ Rab hemîşe lûtfunu et reh-nümâ bana Gösterme ol tarîki ki gitmez sana bana Kat’ eyle âşnâlığım andan ki gayrdır Ancak öz âşinâlarun et âşinâ bana Bir yerde sâbit et kadem-i i’tibârımı Kim rehber-i şeri’ât ola muktedâ bana Yok bende bir amel sana şâyeste âh eger A’mâlime göre vere adlin cezâ bana Havf ü hatâda muztaribim var ümid kim Lûtfun vere bişâret-i afv-ü hatâ bana Men bilmezem bana gereğin sen hakimsin Men’ eyle verme her ne gerekmez sana bana Oldur bana murâd ki oldur sana murâd Hâşâ ki senden özge ola müdde’â mana Habs-i hevâda koyma Fuzûlî-sıfat esîr Yâ Rab hidâyet eyle tarîk-i fenâ bana Fuzuli