Yar Hu Ağyar Hu

Yâr Hû ağyâr Hû dâr içre her deyyâr Hû Yerde her seyyâr Hû vü gökde her tayyâr Hû Her perî vü her melek her ferd-i ins ü her felek Cennet ü rıdvân u mâlik cümle nûr u nâr Hû Her şecer ü her semer ü her hacer ü her meder Sâbitât u mühre-i mihr ü meh-i devvâr Hû Şehr-i yâr u şîr-i kûh u Husrev ü Şîrîn Hû Leylâ vü Mecnûn u ma’şûk-ı ‘âşık-ı dîdâr Hû Bahr-ı mevc-engîz u mâhî vü kamu mürg-âb Hû Lü’lü’ ü mercân Hû ve güher-i şehvâr Hû Yâseminler Hû çemenler Hû dikenler Hû durur Bülbül ü gül-gonce vü gülzâr ü sünbülzâr Hû Cûy-bâr u gûh-sâr u berk u bârân u berd Hâk ü âb u bâd u nâr u berk-ı âteşbâr Hû Ka’be vü puthâne vü meyhâne vü bostân-ı serây Sâkin ü meskûn ü nâz ü ni’met ü âsâr Hû Kâdî ü müftî ü şeyh ü sôfî vü rind-i cihân ‘Âlem-i hisde hezâr içre ne vâr her vâr Hû Hakkıyâ Hakk bu ta’ayyundan münezzehdir velî Arz ider âyîneden dîdârını her yâr Hû