Abdullah Tamamlar
Yokluğa Değşürdü
visibility
26 Okunma
Yokluğa değşürdü cümle vârını dervîşler
Değmeye duyurmadı esrârını dervîşler
‘Aşkı tutup virdiler iki cihâna üç talâk
Ol birin çün sevdiler dîdârını dervîşler
Mustafâ “el-fakru fahrî” didiğiyçün ey ‘azîz
Fakr ile fahr itdi kodu ‘ârını dervîşler
Terk-i tecrîd ırmağında dînini arı kılup
Put idinmezler cihân dînârını dervîşler
Hakk ile bâzâr iderler kim hezâr assısı var
Kesdiler bu halk ile bâzârını dervîşler
Dün ü gündüz yol yarağın kılmaġa meşgûl olup
Kodular andan bu dünyâ kârını dervîşler
Yâr şevkinden dolupdur içleri anın içün
Artırır gün günden âh u zârını dervîşler
Derd ile bunlar hemîşe haste-diller oldular
Ol tabîbin bulalar tîmârını dervîşler
Her ki bunlara yöneldi i’tikâd-ı sıdk ile
Kıldılar âsân her düşvârını dervîşler
İçini vü dışını pür-nûr u ma’mûr eyledi
Her kime gösterdiyse envârını dervîşler
Ey ‘aceb ne söyleyeydi kendüden Ümmî Kemâl
Ger ana öğretmese güftârını dervîşler