Abdullah Tamamlar
Zikrini Çok Eyle Mevtin
visibility
15 Okunma
Zikrini çok eyle mevtiñ olma gâfil sâlikâ
Anı iksâr eyleyen sâlih olısar ey hümâ
****
Mevt yıkar lezzetleri hem tağıdır dirlikleri
Hiç unutma mevti sen eyle tefekkür dâ’imâ
****
Olmasa dünyâda üç nesne azar nâsın çoğı
Biri mevt biri maraz biri dahi fakr u fenâ
****
Mü’mine vâ’iz-durur mevt dâ’imâ îkâz ider
Tuhfetü’l-mü’min buyurmuşdur aña Hayrü’l-verâ
****
Mevti Kuddûsî unutmaz her zamân zikrin ider
Eyledi Mevlâsı tevfîk tâ sabî iken aña
****
Her zemân zikrin ider mevtiñ bu Kuddûsî fakîr
Eyledi tevfîk Hudâsı tâ sabî iken aña
Ahmed Kuddusi