Ele Girmez

Âh ile gönül âh ki hûbân ele girmez Feryâd ki feryâd ile canan ele girmez Varlıkla varılmaz der-i ihsânına yârin İhsân ile ol sâhib-i ihsân ele girmez Derd ehline dermân yine derd içre nihândır Erbâb-ı dile derd gibi dermân ele girmez Cân baş ile bil hizmet-i pîrânı ganîmet Her şey bulunur sohbet-i pîrân ele girmez Kaldırma yüzün hâk-i reh-i Şâh-ı Necef’den Haydar gibi sultânlara sultân ele girmez Ey nutfe iken “ahsen-i takvîm” olan insân Bil kadrini bil sûret-i insân ele girmez Tek bir nefesin gâfil olup verme hevâya Sıhhat gibi bir ni‘met-i Sübhân ele girmez Her bir güzele meyl edip âteşlere yanma Yûsuf çok olur Yûsuf-ı Ken‘ân ele girmez Âmâlığına hırka-i peşmînine bakma Osmân gibi bir sâhib-i irfân ele girmez