Aklımı Başımdan Aldı

Aklımı başımdan aldı da gitdi Göründü gözüme bir serv-i kāmet Başım bir sevdâya daldı da gitdi Ahvâlim ne olur bilmem nihâyet Encüm-i seher mi server-i zemân Yâ şems ü kamer mi âfet-i devrân Seb’a-i seyyâre edende seyrân Gözlerine bahşeyledi şerâfet Bir âl ile aldı elden vârimı Ref eyledi nâmûsumu ârimı Bırakmadı elde ihtiyârımı Bilmedim sihir mi veyâ kerâmet Seyrine sezâdır âhû-yi Çînler Bir hâli kıymeti Çîn-i mâçînler Cemâline hayrân ins ile cinler Güneş midir alâmet-i kıyâmet Kametine kıyâm eder serviler Mihr ü mâh encümler ru’yetin diler Cennet-i alânın gülleri güler Görseler cemâlin nedir halâvet Dilber-i devrâne bir nazâr-endâz Olmayan mürde-dil bulmaz çâre-sâz Cânânn yolunda olmayan ser-bâz LUTFÎ eder kıyâmetde nedâmet