Bu Gaflet Perdesin Kaldır

Bu gaflet perdesin kaldır gözünden seyret eşyâyı Kemâlât ehline peyrev olan anlar bu ma’nâyı Dilâ erbâb-ı diller sohbeti feyz-i İlâhî’dir O sohbet halleder nokta-i dilde her muammâyı Kelâm-ı evliyâ ilhâm ile nâzil olur kalbe Gerek şi’ri gerek nesri açar nehr-i tecellâyı Dürer-i şi’ri ârifân düzerler rişte-i câne Gürûh-i evliyâ söyler güzel şi’r-i dilârâyı Ederdi nusreti Hassân’e nazm ü şi’ride Cibrîl O gün müftî idi Cibrîl verir idi bu fetvâyı MUHAMMED LUTFÎ’ye lutfet velîler sohbetin bulsun Bilelim ey Hudâvendâ kemâhî sırr-ı eşyâyı