Süleyman Şahintürk
Bugün Yakubı Kalbe
visibility
15 Okunma
Bugün Ya’kûb-ı kalbe Yûsuf-ı cândan haber geldi
Kamîs-i pür nesîm ile o cânândan haber geldi
Açıl ey gözlerim envâr-ı vech-i zül-celâlîden
Dilâ bedr ol kim mihr-i dırâhşandan haber geldi
Yerinme nâkısım deyu kemâl ehlini gördükçe
Kamû noksânı tekmil eden insandan haber geldi
Edüp dilhâneyi tamir otur bu beyt-i ahzanda
Bu şeb bana seher vaktinde mihmândan haber geldi
Ne kim yağma olundu çekme gam şimden geru sen var
Dil-i vîrândaki ol kenz-i vîrândan haber geldi
Bu Mısrî’nin vücûdu Mısrînin oldur şehinşâhı
Ezelden tâ ebed hükm-i Süleymandan haber geldi