Uçup Mürgi Akıl

Uçup mürg-i akıl eyvâh kulûbun âşiyânından Değil vâkıf kolay hal bir kişi kârı zıyânından Ne hayretdir güneş-veş her belâ günden ayân olmuş Ne nikmetdir bu gaflet bu felâketler devânından Basîret ü basar yok mu bütün bu a’yün-i nâsda Keder yok mu yarin rûz-i cezâ Hakk’ın dîvânından Nazar kıl mağrib ü meşrık belâ balıyla dolmuşdur Aceb âgâhiyân var mı nâsın pîr ü civânından Belâ bahrine gark etdi gazab ile Teâla’llah Gazabı fark eden kimdir bu devriyât revânından Çocuklar gibi ağzımız sözü kalbimize girmez Kulak ister eser alsın mükedderler şivânından Meğer nâzır ola şems-i hidâyet nûr ile gözler Eyâ LUTFÎ meğer Mevlâ ede îkâzı şânından