Döner Saki

Meyhane-i vahdetde mestâne döner sâkî Şem’a-i muhabbetde pervâne döner sâkî Dolmuş ayağı elde zevkı bulunur dilde Bu bezm-i mey-i mülde rindâne döner sâkî Dil zevrak-ı zevk olmuş deryâsına hem dalmış Sâkî yine zevk almış zevkāne döner sâkî Bezm içre safâ bulmuş meydân-ı muhabbetde Cân câm-ı mey-i vahdet şâdâne döner sâkî Târik-i sivâ olmuş lezzet-i rûhu bulmuş Feyz-i Hak ile dolmuş handâne döner sâkî Ders alur men arefden LUTFÎ al bu şerefden İrşad ol her tarefden irfâne döner sâkî