Süleyman Şahintürk
Eden Kimdir
visibility
27 Okunma
Dilâ âlem-i hayretde seni cânbâz eden kimdir
O sahrâ-yı seâdetde seni serbâz eden kimdir
Bu âlem devriyâtında okurlar ders-i irfânı
Bu ders-hâne-i hikmetde seni dilbâz eden kimdir
Görenler cân gözüyle bu nukûşâtı bu eşyâyı
Bu nokta-i süveydâda hüner ibrâz eden kimdir
Tecellî-hâne-i vahdet gönüldür dergeh-i Mevlâ
O dergâh-ı tecellâya dil-i derbâz eden kimdir
Olan sermest-i sergerdân ezel bezminde ey LUTFÎ
Bu dürr-i tevhîde cânâ ezel enbâz eden kimdir