Muhıbbi Hanedanım Ben

Der-i dergâh-ı Mevlâ’da muhıbb-i hânedânım men Ezelden bezm-i vâlâda muhıbb-i hânedânım men Hidâyet perver-i pervâz eder muhabbetin ibrâz Güneş gibi ayân bu râz muhıbb-i hânedânim men Gönül gülzârına güldür muhabbet mürg-i bülbüldür Muhabbet dilde düldüldür muhıbb-i hânedânım men Muhammed âleme rahmet Alî’dir deryâ-yı himmet Hasen’dir meşrik-ı şefkat muhıbb-i hânedânım men Huseyn evlâd-ı Zehrâ’dır Huseyn gonce-i Esrâ’dır Huseyn bir âlem-ârâdır muhıbb-i hânedânım men Çihâr-yârler mübeşşerdir sahâbe hep mutahherdir Muhabbet bir mücevherdir muhıbb-i hânedânım men Bütün bu ümmet-i Ahmed muhıbb-i zât-ı Muhammed Erişe LUTFÎ’ye rahmet muhıbb-i hânedânım men