Süleyman Şahintürk
Haberin Yok
visibility
22 Okunma
Cânâ yine cânan seni sormuş haberin yok
Cân câmı olan sadrına sarmış haberin yok
Envâ-ı inâyât ile besler seni cânân
Her vakt-i seher cân-gâhe varmış haberin yok
Ey nûr-i basar nûr-i basîretle nazar kıl
Sende seni cân gözleri görmüş haberin yok
Cânân seni sevmezse eğer cân diyemezsin
Bir emrine karşu sana durmuş haberin yok
Ol mihr-i münîr cümle-i eşyâya nazardâr
Gönlünde güzel matla-‘i kurmuş haberin yok
Ey mîr-i zemân âlem-i hayret demidir bu
Takdîr-i Hudâ defteri dürmüş haberin yok
LUTFÎ ki n’ola yâr-i kadîm dest-gîr olsun
Dil-hânede dildârını bulmuş haberin yok