Hilkati Âdem'den Ancak

Hilkat-i Âdem’den ancak ilm-i esmâdır garaz İlm-i esmâdan mücerred bir müsemmâdır garaz Hikmet-i hukm-i Hakîm’den memnu’ olmuşdur süâl Hall-i müşkil eyleyen fehm-i muammâdır garaz Katreler deryâ olur her zerreden bir gün doğar Arş-ı dilde ârife mihr-i tecellâdır garaz Ârifâne cân gözüyle kâinâtı seyr kıl Kalb ola mir’ât-i vahdet nûr-i Mevlâ’dır garaz İmtihân meydânına merdâne girdi merd olan Zevk ile sabrında sâbit âl-i Zehrâ’dır garaz İhtiyârın elde varken dut şerî’at dâmenin Hikmet-i hukm-i kitâbdan zevk-ı ma’nâdır garaz Mekteb-i ilm-i ledünnîdir bu âlem ser-te-ser LUTFİYÂ nûr-i hüdâ Hakk’ı temennâdır garaz