İlla Hu

Haber versin bize âlem cân u dil eydür İllâ Hû Nedendir gör bu suâlim cân u dil eydür İllâ Hû Ezel kısmet bâzârında verildi câna bu “lâ” dan Ne gökçek geldi bu fâlım cân u dil eydür İllâ Hû Karârı kalmadı cânın ledünnî ilminin zevkin Duyal’dan böyledir hâlim cân u dil eydür İllâ Hû Nişânım bî-nişân oldu mekânım bî-mekân oldu Ne kaldı ceng ü cidâlim cân u dil eydür İllâ Hû Aceblemen beni billah elimde ihtiyârım yok Beşerden gitdi kemâlim cân u dil eydür İllâ Hû Cemâlin bâğının verdi beni hayrân eder her dem Unutdum gayrı eşgâlim cân u dil eydür İllâ Hû Okunan zikrin envârı gelir ilhâm olur kalbe Hemân oldur satam alam cân u dil eydür İllâ Hû Makâm-ı zühd ü takvânın cevâbın dinlemez sem’im Ne sırdır işbu ef’âlim cân u dil eydür İllâ Hû Dedi nefsim ki bu yanmak hüner değil gözün aç bak Bana iğvâ eder zâlim cân u dil eydür İllâ Hû Gelir vuslat yeli her dem yürekde açılır yara Bana ağyâr olur şâlım cân u dil eydür İllâ Hû Harâbât ehliyim varım fenâ ender-fenâ oldu Ne bilem var mı emsâlim cân u dil eydür İllâ Hû Bize mürşid-i kâmilden verildi ni’metin hâsı Ne aşkdır sükker ü balım cân u dil eydür İllâ Hû Sinan Ümmî kanı kanda görenler bir haber versin Ne meyl-i mülk ü ne mâlım cân u dil eydür İllâ Hû