Muhammed Mustafa'dır Bu

Muhammed Mustafâ’dır bu Habîb-i Kibriyâ derler Aliyyü’l-murteza’dır bu ezel şîr-i Hudâ derler İmâm-ı Enbiyâdır bu emîr-i Evliyâdır bu Ezel nûr-i hüdâdır bu dü-âlem muktedâ derler Hudâ’nın nûru Ahmed’dir habîbu’llah Muhammed’ dir Bu ümmete ne devletdir kamu derde devâ derler Der-i dergâh-ı Mevlâ’dır bu bir kadr-i muallâdır Bu menzil-i tecellâdır kadîmî rehnümâ derler Bütün âlemlere rahmet odur ebvâb-ı merhamet Bulur devlet olan ümmet kerem-kâni vefâ derler Kulun LUTFÎ bu dergâhda seni gözler o her gâhda Kalır mı bu penâhgâhda sana dârü’ş-şifâ derler