O Güzel

Gül-i gülzâr-ı melâhat ne vahiddir o güzel Dür-i deryâ-yı halâvet ne feriddir o güzel Bu kamer-tâb-ı cihân âleme fermân vererek Mîr-i meydân-ı rusül şems-i cedîddir o güzel Öyle bir şân-ı risâletle dutup yeryüzünü Doldurup nûr-i hüdâ feyz-i mezîddir o güzel Nûr-i Mevlâ güneşi müntehab-i zât-i Hudâ Şehper-i Cibrîl-i cân emr-i sedîddir o güzel Hilkat-i âleme bir illet-i gâiyye odur Enbiyâ rehberidir zât-ı reşîddir o güzel LUTFÎ sen yüz yere koy hazret-i Allah’a sığın Kopıcak rûz-i cezâ rahm-i resîddir o güzel