Ola Maksudumuz

Ola maksûdumuz fazlınla hâsıl İnayet eyle Sultânım meded hâyy Olalım nur-i pâk-i zâte vâsıl İnayet eyle Allahım meded hâyy Huda-yı müsteân âçarsa yollar İre matlûbuna bîçâre kullar Sefâya irmeğe mahzun gönüller İnayet eyle Sultânım meded hâyy Vücudu kande buldu cinn ü insân Sefâyı kanden aldı ehl-i irfân Yine senden olur kullara ihsân İnayet eyle Allahım meded hâyy Bizi fazlınla çünki etdin îcâd Yine eyle naim ü vasle irşâd Olalım mâsivâ hubbünden âzâd İnâyet eyle Subhânım meded hâyy HÜDAYÎ’ye hidâyet senden olur Dahi matlûba vuslat senden olur Efendi fazl u rahmet senden olur İnâyet eyle Efendim meded hâyy