Serinde Sevdası Olan

Serinde sevdâsı olan nev-civân Sahrâ-yu cünûnu ihtiyâr eyler Tarîk-ı sevdâda olanlar revân Mecnûn-veş nâmını istihâr eyler Bünyâdı mahv olur âşık-ı zârın Bîhûş-veş sermest bilmez karârın Sevdâkeşler bilmez âr ile vârın Cûd-i vücûdunu târ u mâr eyler Solar gül cemâli olur nâtüvân Bahr-i muhabbetde olur keştibân Sevdâ kurmuş dilde bir âlî-dîvân Sînesinde olan zârı nâr eyler Âşıkın gözüne görünmez cânı Kâ’be-veş gözünde kûy-i cânânı Esîr etmiş derd-i dil heyecânı Vücûdun derd-i dil müşg-bâr eyler Dilberin yüzünde zülfün telleri Dâne dâne gerdeninde halları Bezetmiş kâmeti geysû dalları Âşıkın derdini sad-hezâr eyler Kãmet-i kıyâmet âfet-i devrân Âşıkların eyler derdin firâvân Cângâhe bırakmış âteş-i sûzân Cesedlerde cân bî-karâr eyler LUTFİYÂ bend olma zülfün teline Esîr olma dilberlerin âlına Konma seherlerde gülün dalına Sonra dutar seni yâr şikâr eyler