Teşrifinle Ya Muhammed

Teşrifinle ya Muhammed arş u ferş dârü’s-selâm Mele-i melekût okur es-salâtü ve’s-selâm Merhabâlar yâ Muhammed arş u ferş dârü’s-sürûr Kâinâtin her tarafı teşrifinle doldu nûr Merhabâ Hayru’l-verâ fâzıl-terîn-i Enbiyâ Zât-ı pâkindir mukaddes şem’-i cem’-i Evliyâ Merhabâ ey mihr-i rahmet hurşid-i her dü-serâ Âfitâb-ı mevc-i izzet nûr-i Hak Hayru’l-verâ Hâzin-i esrâr-ı “Mâ evhâ” hidâyet perveri Rahmeten lil-âlemin âhir zemân peygamberi Merhabâ cûd-i vücûdundur dü-kevneyn hilkati Sana giydirdi Hudâ Levlâke levlâk hil’ati Hilkat-i âleme ancak zât-ı pâkindir sebeb Sen habib-i Kibriyâ’sın her dü-âlem müntehab Merhabâ muhtâr-ı Mevlâ âleme asl-ı usûl Yâ Resûla’llah kerem kil sen bizi eyle kabûl Hâmil-i tevhid olan gözler seni yevmü’l-kıyâm Ey şefâ’at madeni mansûr-i Hak Hayru’l-enâm Dergehinde didebândır dâimâ bây u gedâ Her tarafdan LUTFÎ-tek yüz bin gedâ eyler nidâ