Tevhidde Yoldaşım

Tevhîdde yoldaşım dinde kardaşım Zuhûr etdi alâmet-i kıyâmet Sohbet-i vahdetde mahrem sırdaşım Mahv oldu dillerden nûr-i hidâyet Hayâ nâmûs âr pîr kalmadı gitdi Derûn-i dillerden seâdet yitdi Uryân oldu bu halk perdeyi atdı Kimden edek bilmem kime şikâyet Kopdu gelir kahr u gazab selleri Âteş-i dalâlet dutdu illeri Gülistân-ı dînin soldu gülleri Îmân İslâm gitdi bu ne felâket Hurşîd-i hidâyet zevâle erdi Sahrâ-yı îmânın enhârı durdu İblis bu fitnenin çarhını kurdu Gitdi bu milletden şân u şerâfet İnkıyâd yok Hak’dan gelen fermâna Öyle mi boyandık nâr-ı hirmâna Düşmân olduk emr-i zât-ı Rahmân’a Gark etdi dünyâyı bahr-i şekâvet Adlini gösterir kudret-i Mevlâ Kahrını gönderir zât-ı Teâlâ Celâlinden doğar mihr-i tecellâ Âfâk-ı enfüsi dutar celâlet Gün-be-gün görünür devr-i kamerden Sevk olur nehirler bahr-i kahirden Kanlı sular akar kûy ü şeherden Ref olur âlemden rûy-i selâmet Gayretin gösterir Vâcibü’l-vücûd Ummân-ı kahirde kalır bu mevcûd Mâdem ki terk olmuş rükû u sücûd LUTFÎ rûz-i cezâ olur nedâmet