Vakt Olur Bu Gönlüme

Vakt olur bu gönlüme bir cezbe Rahmândan gelir! Sanırım ki berk-i hâtif cerh-i devrândan gelir! Aklımı tâtâr-ı aşkı yârimin yağmaladı, Yahşidir her ne gelirse kula Sultandan gelir! Derdime derman umarken derdimi artırdı dost, Anladım ki derd-i gam arzu-yu dermandan gelir! Bağrıma kâr eyledi şol kez bu aşkın tiri kim, Kalmadı cismimde tâkat acısı candan gelir! Bahr-i aşka daldı gönlüm dürr-i irfan bulmağa, Dürr-i meknûn çün sadef içinde ummandan gelir! Dürr-i meknûnun eger aslın bileyim der isen, Balığın ağzına düşer katre bârândan gelir! Olamaz her âb-u bârân dürr-i meknûn mutlaka, Hikmet-i Hallâk ile ol âb-u Nisandan gelir! Her turab altın olur mu ateşte yanmak ile, Himmet-i Üstad ile aslı onun kândan gelir! Cezbe yüküne tahammül eyle Kuddûsî hemân, Bir ulu devlettir ol kim câna cânândan gelir!