Yine Sensin

Dila vasf-ı makāmât-ı dil eyleyen yine sensin Temâm şerh-i kemâlât-ı dil eyleyen yine sensin Kemâl-i ru’yet-i eşya sana mahsûsdur ey dil Reh-i Hakk’a delâlet-i dil eyleyen yine sensin Cemî-i enbiyâya evliyâya zâhir ü bâtın Vukûf-ı sırr-ı âyât-ı dil eyleyen yine sensin Huzûr-ı hazret-i Bârî’de evsâf-ı Cemîl sensin Temâm neşr-i füyûzât-ı dil eyleyen yine sensin Zihî ayn-i hayâtsın havz-ı kevser sendedir ey dil Güzel tezyîn-i cennât-ı dil eyleyen yine sensin Senindir zevk-ı rûhânî özündür mahzen-i esrâr İşârât u îzâhât-ı dil eyleyen yine sensin Derûn-i dildedir cânâ Hudâ’nın arş-ı Rahmân’ı Cemâl-i Hakk’a mir’ât-ı dil eyleyen yine sensin Zihî bir zevke mâlikdir zemîn ü âsumân dildir Deverân u harekât-ı dil eyleyen yine sensin Mahall-i feyz-i Rabbânî makām-ı sırr-ı Hakkān î Cezebât-u kerâmât-ı dil eyleyen yine sensin 1Dila bezm-i elestde sen muhâtab müntehab oldun Yerinde her hurûfât-ı dil eyleyen yine sensin Nazargâh-ı İlâhî’dir tecellî-hâne-i mutlak Bu LUTFÎ’ye seâdât-ı dil eyleyen yine sensin