Bu Cihanın Hasılı

Bu cihânın hâsılı hayf u dirîġ ü âh olur Anlamaz hayvân bu sırdan âdemî âgâh olur Lutfu kahr u şâdîsi gam genci renc ü mâlı mâr Önü ‘izz ü câh olursa sonu ‘azl u çâh olur Ey dirîgâ vü dirîgâ kim bizim bu dünyede Fikrimiz yavlaḳ dırâz u ‘ömrümüz kûtâh olur Bunda fakr u gussaya sabr eyleyüp kulluk kılan Hiç gümânsız yarın anda şâd u bay u şâh olur Halka hiç muhtâc u müflis olmaz ol kul kim müdâm Şey’en-lillah eylediği ol ganî dergâh olur Münkir ü câhillere ‘âlem karanudur velî ‘Âlime ‘ilmi hemîşe şem’ ü şems ü mâh olur Düşmen ü şeytân harâmî kâr kılmaz yolda hiç Şol tevekkül ehline kim bekçisi Allah olur Ey hakîkatden dem uran bî-şerî’at urma lâf Şer’i koyup bid’ate uyan kişi gümrâh olur Kibri terk it miskîn ol kim ol ulu dergâhda Her denizler katre vü hem kûhları bir kâh olur Geçegör tûl-i emelden hey ecelden key sakın Hiç danışmaz kimseye gelmekliği nâ-gâh olur Ey refîkim bir gör âhir işbu islâmın yolun Niçesi âsân u aydın doġru yakın râh olur Bu Kemâl Ümmî delîle uydu uş Dost’a gider Zihî devlet anların kim mürşide hem-râh olur Bahtlu ol yol eri kim Hakk yolunda yoldaşı Evliyâ vü hem kılavuzu Resûlullah olur