Zelili Acizi Abdi Hudayem

Zelîl-i âciz-i abd-i Hudâ’yem Tarîk-i Nakşibend’e cân fedâyem Muhibb-i çâryâr-ı Mustafâ’yem Tarîk-i Nakşibend’e cân-fedâyem Der-i Sâmî’de bir kemter gedâyem Ömür sermâyesin verdim hebaya Mukârin olmadım Âl-i Abâ’ya Habîbullah’a geldim ilticaya Tarîk-i Nakşibend’e cân-fedâyem Der-i Sâmî’de bir kemter gedâyem Ki ben bir andelîb-i kudsiyânım Bilinmez kande kaldı âşiyânım Bu âlemde garîb-i nâtüvânım Tarîk-i Nakşibend’e cân-fedâyem Der-i Sâmî’de bir kemter gedâyem Kalemden şak olup seyrâne geldim Bulut yağmur olup ekvâne geldim Nebat hayvan olup insâne geldim Tarîk-i Nakşibend’e cân-fedâyem Der-i Sâmî’de bir kemter gedâyem Zuhuratım Muhammed’den Ehad’den Bu kesret âlemi hubb-ı Samed’den Halâs et bizleri şahım kemendden Tarîk-i Nakşibend’e cân-fedâyem Der-i Sâmî’de bir kemter gedâyem Beka sultanlarının kullarıyız Hakîkat bağının bülbülleriyiz Şahadet âleminin erleriyiz Tarîk-i Nakşibend’e cân-fedâyem Der-i Sâmî’de bir kemter gedâyem Tarîkat cümle haktır olma zâği Ki dört misbâhı var birdir çerâğı O misbâhın on ikidir budağı Tarîk-i Nakşiben’de cân-fedâyem Der-i Sâmî’de bir kemter gedâyem Dolaştım âhiri bu hâna geldim Bir ednâ Salih’em ihsana geldim Pîrimin pâyine kurbâna geldim Tarîk-i Nakşibend’e cân-fedâyem Der-i Sâmî’de bir kemter gedâyem