Keyfiyyeti Zikre İren

Keyfiyyet-i zikre iren hayrân-ı zikrullah olur Vahdet diyârına iren mihmân-ı zikrullah olur İtmez sivâya iltifât eyler tecellî nûr-ı zât Cânı bulur bâkî hayât cânân-ı zikrullah olur Kim nûş ide ‘aşk cur’asın terk ider varlık hırkasın Deryâya ilter katrasın ‘ummân-ı zikrullah olur Bâğ-ı visâle kim gider seyr-i sivâyı terk ider Bülbül gibi dâim öter nâlân-ı zikrullah olur Keşf oluben dostun ili söyler hakîkat bülbülü Bîçârenin her müşkili âsân-ı zikrullah olur