Kur'an Bize Bildirdi

Kur’ân bize bildirdi ki ey Rabb-i Te’âlâ Varmış senede bir şeb-i pür nûr-ı mu’allâ Bin aydan anın efdal imiş kadr u kemâli Parlaklığı olmuş o şebin bedr-i leyâli Kılmışsın anı kullarına ân-ı merâhim Anda silinirmiş biriken cürm ü me’âsim Yâ Rab o geceyse bu mübarek gece lutf et Eyle onu Tâhir kuluna bâ’is-i rahmet Gufrânın ile eyle anın zenbini mağfûr İhsânın ile eyle anın kalbini pür-nûr Her şeyden idüp fazlın ile kat’-ı ‘alâyık Olsun der-i lutfunda senin kulluğa lâyık Bir kul ki bilüp zâtını hakkıyla Efendi Fânî ola zâtında bütün varlığı kendi Zâtında fenâ bulmâsı ancak ana maksûd Dil-hâhım bahş eyle eyâ Vâhib-i Ma’bûd