Marifetullahe Malik Kim Olur

Mârifetullahe mâlik kim olur havf-i Hudâ Bahr-i dilde dürr-i vahdet devr olur nûr-i hüdâ **** Devlet-i dâreyn ancak hubb-i Mevlâ’dır bize Kim olur dest-gîrimiz Âferîn’den mâadâ **** Feyz-i Mevlâ ile dolsa ol olur mir’ât-ı Hak Metn-i hikmet şerh eder gûş-i dile neyden sadâ **** Mîr-i meydân-ı melâhat hurşîd-i aşk pertevi Âsumân-ı kalbe ursa mâsivâ olur cüdâ **** LUTFİYÂ cennât-ı firdevs sendedir âgâh bulun Sırr-ı süveydâ ki dildedir sana verir zıyâ Alvarlı Efe Muhammed Lütfi Hazretleri