Salika Olmaz İse

Sâlikâ olmaz ise başda tarîkatden tâc Sikkesiz ol bulamaz sûk-i hakîkatde revâc Sâfiyye nefs revâcın bula mı hiç ansız Zer-i sâfî gibi bir sikkeye elbet muhtâc Selefin sünnetidir kisve-i ashâb-ı tarîk Gel ey mü’min ana dahl iden iblîsden kaç Çâr tevhîdin idüp sûretini çâr erkân Nakşını eylediler başları üzre sertâc Münkiri gör ki ana nazar itmek ile Aslı yoğ iken ider anda salîbi idmâc Korkarım hâtimesinde gözüne gire salîb Hâviye ola anın meskeni âhir mi’râc Kırk Elif’den düzülüp anda yirmi Dâlât Erba’în sırrı ider ism-i Vedûd’u ihrâc Nazar it nakşına sen anda Vedûd’u bulasın Gel hisâb it ‘adedin harfine bak say gör kaç ‘Aşk-ı Hakk anda zuhûr eyler anlar isen Dahi andan doğar envâr-ı sirâc-ı vehhâc Ortasında pulu çün Hâ-i hüviyyetdendir Görünür ‘ârife ol bahr-ı hüviyyet mevvâc Düğmesi nokta-i sırr-ı ehadiyyetdir anın Kanı bildirmeğe ol sırrı Cüneyd-i Nessâc Katı az kaldı şimdi tarîkat ehli Nûriyâ senden olur olur ise ana ‘ilâc