Abdullah Tamamlar
Haber Virin Bana
visibility
20 Okunma
Nice durur ahvâliniz
Yârân haber virin bana
Ol Dost’a gitmek yalınız
İhvân haber virin bana
Hakk’dan irişince haber
Elbet mukarrerdir sefer
Çün kâfile gide seher
Yârân haber virin bana
Cem’iyyet-i hâss olıcak
Zevk-i dil ü cân bulıcak
Bezm içre sâgar dolıcak
Yârân haber virin bana
Takrîr idüp etvârınız
Bahş eyleyüp envârınız
Keşf eyleyüp esrârınız
İhvân haber virin bana
Çün didiler Rûm’ı bırak
Şâm içre eyle oturak
Hakkı neden düşdü ırak
Yârân haber virin bana